Një 27-vjeçar ka menduar një zgjidhje ideale për të transportuar një sasi droge për në Greqi, por ai është pikasur nga policia kufitare dhe është prangosur. Siç bëhet e ditur, Erion Konomi kishte paketuar sasinë e drogës dhe e kishte lidhur rreth mesit, për të mos u dalluar nga polica. Konomi ka qenë pasagjer në një autobus duke udhëtuar për në Greqi kur është ndaluar për një kontroll të mëtejshëm, transmeton Express.
“Nga kontrolli i ushtruar nga punonjësit e policisë kufitare Kakavije, në trupin e shtetasit të mësipërm, rreth pjesës së mesit iu gjet 900 gr lëndë e dyshuar narkotike Cannabis Sattiva” informon policia.
Pas gjetjes së drogës, policia ka arrestuar Konomin dhe ka sekuestruat në cilësinë e provës materiale lëndë narkotike. Ndërsa, materialet hetimore i kaluan Prokurorisë Pranë Gjykatës së Shkallës Parë për Krimet e Rënda Tiranë për veprën penale “Trafikim i lëndëve narkotike”.
ma.me
