Pas përmirësimit të gjendjes shëndetësore, ish-kryetari i Bashkisë së Durrësit, Vangjush Dako, është larguar këtë të diel, 21 shtator, nga ambientet e Spitalit të Durrësit. Ai është rikthyer në qelinë e burgut, ku i kanë mbetur edhe 11 ditë për të përfunduar dënimin e tij.
Lajmi konfirmohet nga gazetarja Enkeleida Arapi.
Kujtojmë se Gjykata e Posaçme e Apelit, ditën e martë, konfirmoi dënimin me 2 vite e 8 muaj burg të dhënë më herët nga GJKKO për ish-kryebashkiakun e Durrësit. Në të njëjtën ditë, Dako ka pësuar komplikacione shëndetësore dhe është shtruar në spital për kontroll mjekësor.
Sipas përllogaritjeve zyrtare, Dakos i mbeten vetëm 11 ditë burg, pasi pjesën më të madhe të dënimit e ka shlyer në paraburgim dhe arrest shtëpie.
Vendimi i formës së prerë e kthen Dakon pas hekurave, duke i dhënë fund një procesi gjyqësor të gjatë dhe të ndjekur me interes të lartë publik. /klan/
Sju vjen turpe,te degjeneruar,te pakten mose i beni publike,pilliqet e pa drejtesite nga e quajtura drejtesi.Kure thote k/hajduti do pranohemi ne be ne 2030,ase ne 2300 me kyte drejtesi leshit.Kjo eshte nji poshtersi,po sa e sa poshtersi e pislliqe,ka ne vendin tone,kto ndodhin nga 2 ortaket,monstra e vicidolit,e k/hajduti edvin karapushti.