Përmbytjet e mëdha që ndodhen rreth një muaji më parë pothuajse në gjithë vendin, apo dhe rreziku nga të tjera që pritet të ketë gjatë stinës së dimrit, kanë detyruar qeverinë që të miratojnë një fond shtesë për Ministrinë e Bujqësisë, që kap shifrën e 1.4 miliardë lekë të vjetra.
“Në buxhetin e vitit 2016, miratuar për Ministrinë e Bujqësisë, Zhvillimit Rural dhe Administrimit të Ujërave, në programin buxhetor 04240 “Menaxhimi i infrastrukturës së kullimit dhe ujitjes”, shtohet fondi i investimeve prej 141 840 000 (njëqind e dyzet e një milionë e tetëqind e dyzet mijë) lekësh, për ndërhyrje emergjente në infrastrukturën e mbrojtjes nga përmbytjet për objektet, sipas tabelës bashkëlidhur këtij vendimi. Ky fond të përballohet nga fondi rezervë i buxhetit të shtetit”, thuhet në vendim, ku ngarkohen Ministria e Bujqësisë, Zhvillimit Rural dhe Administrimit të Ujërave dhe Ministria e Financave për zbatimin e këtij vendimi. Përmbytjet e fundit që ndodhen në vend shkaktuar dëme të mëdha materiale por edhe në tokat bujqësore dhe gjënë e gjallë kryesisht në zonat rurale.
