Shtabi i Emergjencave është mbledhur pas përmbytjeve të dy ditëve më parë në qarkun e Lezhës. Sipas emergjencave, për shkak të reshjeve intensive dhe të vazhdueshme gjatë të shtunës dhe të dielës së shkuar janë dëmtuar 131 banesa dhe 33 biznese.
Gjithashtu nga shirat e dendur janë dëmtuar edhe 160 hektarë tokë.
Prefekti i qarkut të Lezhës ka kërkuar nga pushteti lokal dhe ai qendror që të merren masa parandaluese, në mënyrë që situata të tilla të mos përsëriten më për këtë qark sa herë bie shi./shqip/a.k
