Sali Berisha akuzon drejtuesit e KESH për hapjen e portave në Koman dhe Vaun e Dejës që shkaktuan përmbytjen në zonën e Shkodrës.
Gjatë fjalës së tij në mbledhjen e grupit parlamentar të PD-së, Berisha kërkoi nga Kryeministri Edi Rama që të shkarkohet i gjithë zinxhiri komandues.
Sipas Berishës, vërshimet e ujit nga hapja e portave ishin aq të mëdha saqë kanë shkatërruar themelet e urës së Bahçallëkut.
“Kanë hapur 2 tunelet e Komanit, portat e Komanit, dhe kanë hapur të gjitha tunelet portat e Vaut të Dejës. Kaq i madh ka qenë vërshimi saqë ka ngritur me themel urën e Bahçallëkut. Ka marrë bazamentin e urës, gjysma e urës është zhdukur. Njeriu që i përmbyti ato ka 2 ditë që gënjen në mënyrë të turpshme shqiptarët, në vend se të kërkojë ndjesë, të shkarkojë gjithë zinxhirin përgjegjës për përmbytjen, nuk di çfarë flet”.
Berisha akuzoi gjithashtu Kryeministrin Rama se kopjoi segmente të vizitës së tij në Shkodër dhe zonat e tjera të përmbytura të këtij qarku.
“Nuk shkoi dot në Shkodër, shkoi në Obot, kopjoi një pjesë të segmentit të udhëtimt tim. Bën gjithçka që të mos dëmshpërblejë por këtu do i sjellim të gjithë ne ata. O do shpërblejë qindarkë për qindrarkë. E përgëzoj z.Spahia që i denoncoi. Nuk shkonte në Shkodër shkonte në Sukth për të justifikuar Sakon. Në kulmin e përmbytjes kishte ftuar ballo se do na vijë Kryeministri në kodër të kuajve”, u shpreh Sali Berisha.
/a.r
