Situatë e rënduar si pasojë e reshjeve të shumta paraqitet edhe në Dibër, ku lumi Drini i Zi ka dalë nga shtrati.
Ministria e Brendshme në njoftim për mediat ka sqaruar situatën në këtë qytet, ku thotë se gjatë 24 orëve ka pasur reshje shiu me intensitet të cilat kanë krijuar problematikë në fshatin Urakë, njësia administrative Rukaj, bashkia Mat.
Nga dalja e lumit Drini i Zi nga shtrati, janë rrezikuar 10 banesa, familjet e të cilave janë evakuuar.
Në fshatin Urakë, Mat si pasojë e rritjes së nivelit të lumit, ka marrë me vete urën ( e telit) e këtij fshati.
Nga ura e Matit deri në Suç, si pasojë e reshjeve të dendura të shiut është bllokuar rruga nacionale, 3 mjete po punojnë për hapjen e rrugës. Fshati Muzhaç, Mat si pasojë e daljes nga shtrati i përroit të këtij fshati 15 familje rrezikohen të përmbyten.
Në fshatin Batër e Madhe të njësisë administrative Komsi janë evakuuar 15 familje.
Ndërsa në qytetin Burrel, 4 banesa dhe 3 biznese kanë prezencë uji.
