Presidenti amerikan, Donald Trump, njëherësh edhe kandidat për president nga radhët e Republikanëve për të dytën herë, është ankuar lidhur me numërimin e votave.
Trump, është shprehur i shokuar nga mënyra se si fillonte të binte në shtetet kyçe, të cilat, sipas tij, ishin në duart e Republikanëve. Ai i ka dhënë këto komente në llogarinë e tij në ‘Twitter’:
“Mbrëmë, po udhëhiqja, shpeshherë në mënyrë solide, në shumë shtete kyçe, në pothuajse të gjitha instancat që Demokratët i kanë në dorë. Më pas, votat një e nga një, filluan të zhduken si me magji pas numërimit”, deklaroi ai pasditen e së mërkurës.
Ai akuzoi edhe anketuesit për mënyrën se si i numëruan votat
“Shumë e çuditshme, “sondazh-bërësit” e kishin totalisht e historikisht gabim”, deklaroi Trump.
Gjithashtu, ai ka akuzuar edhe Demokratët për manipulim të votimit me postë.
“Si ndodh që sa herë që ata numërojnë deponitë e votave me postë, ata dinë të jenë kaq shkatërrues në përqindjen dhe fuqinë e tyre të shkatërrimit?”, tha kandidati republikan.
Sipas sondazheve, kandidati demokrat Biden po prin me 227 vota elektorale, ndërsa Trump ka mbledhur 213. Kandidatëve do t’u duhen 270 vota për t’u shpallur president.
/a.r
