Një plagosje ka ndodhur gjatë një konflikti në Vlorë. Një person është goditur me kaçavidë gjatë mesditës së sotme.
Bëhet me dije se ngjarja ka ndodhur në lagjen “24 Maji” pranë stacionit të trenit, ku dyshohet se janë përfshirë në konflikt dy shtetas të cilët punojnë me taksi.
Si pasojë e konfliktit është dëmtuar me kaçavidë shtetasi K.B., 44 vjeç, banues në Vlorë.
Ai është dërguar në Spitalin e Vlorës për ndihmë mjekësore dhe nddhet jashtë rrezikut për jetën.
Policia e ka identifikuar autorin dhe po punon për kapjen e tij.
Grupi hetimor po kryen veprimet e mëtejshme në lidhje me sqarimin e rrethanave të ngjarjes.
/a.r
