Sot shënohen 7 vite nga ngjarja tragjike e “21 janarit”, ku katër persona mbetën të vrarë në bulevard teksa protestonin me Partinë Socialiste, në opozitë në atë kohë.
Shtatë vite më parë, pikërisht në 21 Janar 2011, Garda e Republikës, asokohe nën komandën e ish-komandantit Ndrea Prendi, ish-ministrit të Brendshëm, Lulzim Basha dhe ish-kryeministrit Sali Berisha, hapi zjarr ndaj protestuesve të thirrur nga Partia Socialiste para Kryeministrisë, duke varë katër protestues të pafajshëm dhe plagosur gjashtë të tjerë.
Kreu i Qeverisë ka mbledhur në kryeministri familjarët e viktimave të “21 janarit”.
Gjatë takimit ka marrë fjalën edhe vajza e njërit prej viktimave në Bulevardin Dëshmorët e Kombit në 21 janarin e 7 viteve më parë.
Ana, vajza e Ziver Veizit ka shprehur besimin se Reforma në Drejtësi do të japë edhe drejtësinë e merituar për 4 viktimat.
“Historia ka mësuar se popujt në vite besojnë tek drejtësia. Nuk kisha mundësi të shkruaja një letër më herët, por them se besoj tek drejtësia për vdekjen e babait tim. Besojmë tek reforma në drejtësi,” tha ajo.
Kryeministri Rama deklaroi se të vrarët në bulevard u rivranë në gjykatë
“Ka ikur edhe një vit tjetër dhe drejtësia përsëri ka vonuar dhe kjo peshon ndjeshëm çdo vit. Prej 7 vitesh plagë padrejtësie në 4 familje. Pallati i drejtësisë ka fillur të shembet nga themelet. Të vrarët në bulevard u rivranë në gjykatë“, deklaroi Rama
Në 7 vjetorin e demonstratës që u përmbyll me 4 të vrarë, Rama tha se drejtësia po vonon për këtë ngjarje, por qe drejtesi do behet.
“21 janari është kthyer në dëshmitar kombëtar i pafuqisë çerekshekullore të njeriut të zakonshëm të këtij vendi përballë murit qorr dhe shurdh të drejtësisë së tredhur nga krimi, shëmbëlltyrë kombëtare të nevojë ulëritëse të njeriut të zakonshëm për drejtësi dhe padurimit popullor teksa koha ikën dhe drejtësia vonon. Një pasqyrë kombëtare të përpjetës së lartë të betejës së shpallur në tre vitet e fundit për një reformim drastik të sistemit të drejtësisë ku në çdo hap ndeshemi me forcën e dëshpërimit të organizatave, klaneve, celulave antireformë në Parlament, në pallatin e drejtësisë, në kazanin mediatik e kështu me radhë”, deklaroi Kryeministri
Rama iroinizoi edhe PD-LSI
“Vettingu ka fillur. Në shkurt nis ndëshkimi i gjyqtarëve dhe prokurorëve të korruptuar. Sot kërcënojnë të marrin peng Shqipërinë, sepse i trembën si djalli temjanit asaj që vjen pas vettingut. Deri para 4 muajsh drejtësia vepronte dhe ishte e lirë sipas patriotëve me çizme. Ata që mbanin lidhur drejtësinë që po u shpëton nga duart, sot thonë se as vetë Zeusi nuk i ndal dot këta shpëtimtarë të mëdhenj të Shqipërisë.”, deklaroi kryeministri
a.ç
https://www.facebook.com/edirama.al/videos/10155492679966523/
