PD e ka cilësuar Byronë e Parlamentit si plotësuesen e tekave të Partisë Socialiste. Ky ka qenë etiketimi i nënkryetarit të PD-së Edmond Spaho, i cili më pas ka sqaruar se opozita nuk do ta braktisë parlamentin.
Por bie në sy fakti se nëse për kreun e grupit parlamentar të PD-së Edi Paloka opozita nuk do ta braktisë kuvendin dhe komisionet, në rastet kur objekt i përjashtimit ka qenë Sali Berisha, vendimi ka qenë unanim për bojkot total.
“Nuk prisnim ndonjë surprizë, vendimi ishte i parashikuar. Byroja është kthyer në plotësuesen e tekave të PS-së përmes mekanizmit të votës. Theksuam që në këtë mënyrë, ata po e keqadministrojnë dhe po e kthejnë seancën plenare në një rast ku opozitës nuk i lejohet të flasë. Ky ishte dhe shkaku i incidentit të javës së kaluar… Të heqin dorë nga praktika të tilla, nëpërmjet fjalës së dy tre apo më shumë ministrave që pengojnë fjalën ndaj opozitës. Ne do të vazhdojmë të bëjmë opozitën në kuvend. Asgjë nuk ka për të ndryshuar.”- tha Spaho./java/a.k
