Kryetari i Këshillit Kombëtar të PD, Edi Paloka ka ironizuar zyrtarët e PD të emëruar nga Basha, të cilët në deklarata e tyre shprehen se që nga momenti që kanë larguar Berishën, PD ka patur një mbështetje nga ndërkombëtarët.
Duke vijuar me notat e ironisë, Paloka përmes një statusi shkruan se Rama po pret shpalljen “non grata” si kryeministri i qeverisë më të korruptuar në Ballkan.
Në fund postimin e tij e mbyll me disa fjalë dhe një mesazh për kolegët e tij.
Paloka nënvizon se, shpallja “non grata” e Berishës, është një akt politik i ndërmarre nëpërmjet lobimit , për të goditur PD dhe për të ndihmuar Ramën e jo anasjelltas.
“Nga 9 shtatori , kur larguam Berishën e në vazhdim , është “rritur” në mënyrë të padëgjuar mbështetja ndërkombëtare për PD , ndërsa qeveritarët e korruptuar të “rilindjes” nuk po dijnë ku të fusin kokën nga goditjet që po marrin…!
Ja Rama , në pritje të shpalljes “non grata” si kryeministri i qeverisë më të korruptuar në Ballkan dhe Evropë … !
Dhe dy fjalë për disa kolegët e mi:
Mjaft përhapet mjegull të dëmshme për demokratët ! Të paktën për dinjitetin tuaj mos vazhdoni të dilni nëpër studio e të deklaroni përralla që nuk i besoni as vetë ! Shpallja “non grata” e Berishës, është një akt politik i ndërmarre nëpërmjet lobimit , për të goditur PD dhe për të ndihmuar Ramën e jo anasjelltas ! 9 shtatori i vuri vulën këtij akti!
Kjo është e vërteta dhe provat për këtë janë të përditëshme, i keni përpara syve”, ka shkruar Paloka./m.j
