Edhe në Francë është shënuar viktima e parë nga koronavirusi. Një 60-vjeçar, i cili ishte shtruar në spitalin Pitié Salpêtrière një ditë më parë, ka ndërruar jetë gjatë natës.
Lajmi është konfirmuar nga Jérôme Salomon, drejtori i përgjithshëm i Shëndetit Publik. Nga 17 personat e infektuar me koronavirus në Francë, 60-vjeçari është personi i parë që ka ndërruar jetë.
Salomon ka bërë të ditur se një 55-vjeçar ndodhet në situatë të rëndë klinike dhe është nën kujdesin intensiv të mjekëve.
Ndërkohë, personi i fundit që është konfirmuar me koronavirus në Francë është një 36-vjeçar, i cili kishte vizituar së fundmi veriun e Italisë, por ndodhet në gjendje të qëndrueshme.
/a.r
