Përgjimet e bisedave mes terroristëve që janë bërë në muajt e fundit tregojnë se si organizata terroriste e ISIS është e përgatitur. Sidomos pasi hetimet e kryera deri më tani tregojnë se ata kanë ende armë dhe eksploziv.
Identitetet e tyre u janë dërguar policisë evropiane. Qëllimi është të gjendet çdo element i dobishëm për të arritur në gjurmët e të arratisurve që mund të godasin sërish.Në bisedat e përgjuara dëgjohet se si një nga bashkëpunëtorët e artizanit të bombave që u përdorën në Paris dhe në Bruksel, thotë: “Do të vrasim jobesimtarët. Do të godasim përsëri”.
Hetimet kanë zbuluar se si disa fundamentalistë të cilët kanë planifikuar dhe kryer sulmet në Bataclan, Stade de France dhe pastaj në aeroportin Zaventem dhe metronë Maelbeek ishin ndaluar, kontrolluar dhe pastaj u liruan nga policia belge.
Njëri prej tyre me inicialet B.B. ka dhënë një mesazh në një bisedë të cilën e ka përgjuar policia belge. Ai tregon qartë se sa i lartë është rreziku i hyrjes në veprim përsëri nga terroristët.
Ai ishte nisur për në Siri në dhjetor të vitit 2012. Arriti në Düsseldorf, shkoi në Turqi dhe pastaj erdhi në kampin e trajnimit.
Telefonata e tij në Evropë, duke folur me “kontaktet” e tij dëgjohet të thotë:
“Km luftuar së bashku me muxhahedinët për të vendosur ligjin e All-llahut dhe të vras njerëzit që kundërshtojnë All-llahun. Tani jam kthyer në Belgjikë për të vrarë jobesimtarët”.
Sipas hetimeve të kryera gjatë muajve të fundit, kjo nuk është e vetmja. Nga rindërtimi i lëvizjeve të Laachraoui mësohet se shumë të rinj nga Belgjika kanë vdekur në Siri në fushëbeteja, të tjerë u plagosën dhe u kthyen në shtëpi për të organizuar nisjen e të tjerëve, duke ofruar para, kontakte dhe materiale .
Një “rrjet” njerëzish të trajnuar në kampet siriane, dukshëm janë të gatshëm të sakrifikojnë veten e tyre në të tjera sulme kamikaze në Evropë.
