Takimi i zhvilluar nga kryeministri me strukturat e PS në Shkodër, ka ngjallur debate dhe replika të forta dhe akuza për shpërdorim administrate nga ana e Partisë Demokratike.
Pas publikimit të video-përgjimit nga ish-kryeministri Berisha, ka reaguar selia e PS duke thënë se kjo është një mënyrë e re riorganizimi brënda partisë dhe jo shpërdorim pushteti për efekte elektorale.
Por në fakt, duke parë zhvillimet në Partinë Socialiste kohët e fundit, që pas përjashtimit të deputetit Tom Doshi nga Grupi Parlamentar i PS, Partia Socialiste Shkodër mund të thuhet që ka pasur luhatjet e veta.
Nisur nga kjo dhe nga fakti që kandidate e ASHE-së për Shkondrën është vendosur një “kundërshtare” e kahershme e Doshit në Partinë Socialiste Shkodër, Keti Bazhdari, natyrshmë mund të themi se Partia Socialiste do ta kishte të nevojshëm një riorganizim.
Akuzat e PD se Rama po mblidhte drejtorët lokalë në takime partie dhe reagimi i PS se kjo është një mënyrë e re organizimi brenda partisë, mund të themi se shpjegohen me faktin se Rama dhe PS në Shkodër, në kushtet kur Doshi nuk është me pjesë e tyre, po punojnë për të mbushur “vakumin” që mund të shkaktojë shbërja e strukturave për arsyet që thamë.
