Pas një heshtjeje 24-orëshe kryeministri i vendit ka reaguar për zhvillimet e papritura që futën në ngërç sërish reformën në drejtësi mbrëmjen e së enjtes.
Në një status në facebook Rama shkruan se qëndrimi i PS mbetet i pandryshuar. Ai thekson se forca që ai drejton do të bëjë gjithçka për konsensusin, duke deklaruar se reforma “o do votohet o do votohet”.
“Opinioni yne eshte po ai i njejti prej kohesh: Çdo gje per konsensusin dhe Reforma ne Drejtesi o do votohet o do votohet!”, shkruan Rama në Facebook.
Kjo ishte përgjigjia e kryeministrit ndaj zërave që kërkonin një reagim të tijin, një përgjigje që me sa duket lë të nënkuptuar se PS do të bëjë gjithçka për konsensusin, por nuk do të bëjë lëshime për emërimet në sistem që futën procesin sërish në ngërç.
/a.m.
