Një aksident është regjistruar paraditen e sotme në “rrugën e Arbrit”.
Referuar raportimeve paraprake nga burime policore, dyshohet për dy viktima në afërsi të vendit të njohur si “Shkalla e Tujanit”.
Tiranë/Informacion paraprak
“Më datë 18.12.2023, në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.
Drejtuesi i automjetit tjetër, shtetasi K. R., ndodhet në spital, në kujdesin e mjekëve.
Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.”
/a.r
