Ka përfunduar takimi mes dy aleatëve kryesorë të qeverisë, ku të pranishëm kanë qenë Rama, Gramoz Ruçi, Tahiri si dhe Petrit Vasili e Ilir Meta.
Në dalje të takimit që zgjati 1 orë e gjysëm, kreu i grupit parlamentar të PS-së Gramoz Ruçi, tha se në fokus të diskutimeve ka qenë reforma në drejtësi dhe ajo zgjedhore. Socialisti tha se koha për miratimin e reformës po ikën dhe në këto kushte ajo do duhet fotuar. I pyetur në lidhje me draftin paralel të PD për reformën, Ruçi tha se nuk është në dijeni të saj.
“Maxhoranca i bën thirrje opozitës që të fitojë kohën e humbur veçanërisht për reformën në drejtësi me qëllim që dita e votimit të saj të jetë sa më e shpejtë. “- tha Ruçi
Gazetarët pyesin Ruçin për draftin e opozitës
“Nuk jemi në dijeni të këtij drafti… sigurisht që cdo propozim i opozitës është pritur me luajalitetin më të madh… të gjitha opsionet janë në tryezën e këtij komisioni…”- u përgjigj ai.
Sakaq Petrit Vasili kërkoi edhe një herë që procesi i reformës të përshpejtohet dhe opozita të mos merre me takticizma politikë.
“Bashkëndamë një qasje për reformën në drejtësi, pasi nuk kemi më kohë e as luksin për të humbur momente të çmuara. Jemi aty që kjo reformë të mbyllet sa më parë. Të mos humbasim më kohë as me takticizëm politik të opozitës...”- tha Vasili.
Në lidhje me sms kërcënuese që deputeti Ben Blushi kishte marrë ditën e djeshme nga kryebashkiaku Roshi, Ruçi tha se në asnjë moemnt nuk dëgjoi nga vetë deputeti apo sms-ja që ai lexoi, ku të bëhej fjalë për kërcënim.
“Nuk ishte denoncim, sepse për denoncim ka organet përkatëse ku bëhet, nuk dëgjova në ato që lexoi Blushi kërcënimin, dëgjova komunikim me SMS mes dy të zgjedhurve për një problem personal të tyre”- tha Ruçi.
javanews/ a.k
