Ora16:00 Përfundon mbledhja: Në përfundim të mbledhjes së grupit parlamentar të PS mes ambasadorëve kanë folur për median Lu dhe Vlahutin. Ambasadori i SHBA-së Lu ka thënë se është e pazakontë që ambasadorët e huaj të takohen me grupet parlamentare, por kjo tregon se sa e rëndësishme është reforma në drejtësi për SHBA-në, në kushtet kur për Lu-në reforma ndodhet në një udhëkryq të pazakontë.
Ndryshe mendon Vlahutin, e cila thotë se nuk është e pazakontë që partnerët të flasin me njëri tjetrin, në kushtet ku sipas saj, ka një afat kohor të caktuar për të kaluar reformën në drejtësi
Lu: Ne e pranojmë që është e pazakontë që ambasadorët e huaj të takohen me grupet parlamentare, por ne mendojmë se jemi në një udhëkryq të pazakontë të reformës në drejtësi. Prania ime sot këtu është shenjë e rëndësisë së kësaj reformë për qeverinë e Shba.
Vlahutin: Nuk mendoj se është fort e pazakontë që partnerët të flasin me njëri tjetrin. Ne jemi këtu që Shqipëria të arrijë standartet e nevojshme për të arritur në BE. Në fakt jemi të angazhuar në një dialog si miq… e drejta sovrane e deputetëve që të votojnë në parlamet është një e drejtë që ja kanë dhënë qytetarët, dhe kjo është një gjë të cilën e respektojmë dhe nuk do ta pengonim kurrë. Por sic e thashë është tejet e rëndësishme që ne të përfshihemi në dialog… ne kemi disa afate të caktuara kohore, në mënyrë që të fillohet puna me implementimin e reformës.
….
E përditësuar/ Zbardhet disa nga deklaratat e bëra në mbledhjen mne dyer të mbyllura që po zhvillohet në selinë rozë, mes grupit parlamentar socialist dhe ambasadorëve Lu e Vlahutin. Ambasadori i SHBA-ve ka thënë se reforma në drejtësi duhet votuar sa më parë, duke i bërë thirrje kështu deputetëve të votojnë draftin. Sakaq kryeministri Edi Rama
Kryeministri Edi Rama ka thënë se Shqipëria nuk mund të mbijetojë pa BE-në, teksa Vlahutin është shprehur se miratimi i reformës është një element kyç që do të afrojë Shqipërinë pranë Bashkimit Europian.
……….
Ashtu siç ishte paralajmëruar, ambasadorët e SHBA-së dhe BE-së Lu e Vlahutin kanë mbërritur në selinë rozë për të zhvilluar mbledhjen me grupin parlamentar të PS-së në lidhje me reformën në drejtësi.
Mbledhja do të zhvillohet me dyer të mbyllura, teksa fokusi i diskutimeve do të jetë reforma në drejtësi dhe posaçërisht drafti me ndryshimet kushtetuese, i përgatitur edhe nga ekspertët ndërkombëtarë të Euralius dhe Opdat.
Në orën 17:00 pritet që dy ambsadorët Lu e Vlahutin t’i drejtohen selisë së LSI-së për të kryer mbledhjen me grupin parlamentar të Lëvizjes Socialiste për Integrim.
PD do ta kryejë mbledhjen me ambasadorët ditën e nesërme në orën 10:00.
vijon / Javanews/ a.k
