Ekipet e kërkim shpëtimit kanë mbyllur operacionin në pallatin 6 katësh në lagjen numër 18 në Durrës, pranë Kryqit të Kuq.
Në këtë pallat u shuan dy familje, ndërsa pas dy dtëve nga tërmeti kërkimet janë mbyllur pasi nga familjarët dhe të gjithë të njohurit nuk mendohet të ketë asnjë person tjetër nën rrënoja.
Ndërsa forcat kroate janë paraqitur në gërmadhat e hotel Mira Mare për të bërë kontrollin e fundit në këtë zonë, nëse ka apo jo ende viktima nën to.
Nga këto gërmadha është nxjerrë edhe viktima Sotiraq Misha që mendohet se është e fundit.
Forcat kroate janë të pajisura me tre qen nuhatës që do të kontrollojnë të gjithë zonën. Nëse qentë lehin do të thotë se ka ende viktima nën rrënoja.
Ndërkohë grupet e kërkim shpëtimit janë ndalur për shkak se nuk është raportuar për person tjetër nën rrënoja.
g.kosovari
