Bektash Muka, 24 vjeç, rezulton se është drejtuesi i makinës BMË X6 që nuk iu bind urdhërit të Policisë për të ndaluar. Ngjarja ka ndodhur pasditen e sotme në kryeqytet, ku makina luksoze përfundoi në murin rrethues të një banese te “Komuna e Parisit” në kryeqytet.
Në rrugën” Sami Frashëri” shërbimet e policisë “Shqiponja” i kanë bërë me shenjë për të ndaluar mjetit me targa AA 858 NS.
Muka nuk iu bind urdhrit të “Shqiponja-ve” dhe ka vazhduar rrugën me shpejtësi dhe si rezultat në rrugën “Prokop Mima” është përplasur me një mur rrethues të një banese.
24-vjeçari me të njëjtën automjet, disae muaj më parë, ka përplasur në furgon të Policisë që përdorej nga “Shqiponjat”, pasi këto të fundit i kanë bërë shenjë ndalimi, por edhe në atë rast përsëri është larguar duke iu shmangur një kontrolli për armë.
Në rastin e kësaj ngjarjeje u fol për një BMW X6 me targë me “888”. Por duket se Muka ka ndërruar targat pasi në largimin e parë arriti t’i arratisej ndjekjes së Policisë.
Gjatë kontrollit në makinën e Mukës, Policia ka gjetur një pistoletë dhe kjo mund të jetë arsyeja që 24-vjeçari nuk i është bindur urdhërit të “Shqiponja-ve”, për t’u ndaluar.
Muka bashkë me dy shokët e tij që udhëtonin me të, janë shoqëruar në ambientet e Drejtorisë së Policisë Tiranë për veprime të mëtejshme./panorama/a.k
