Një automjet që po udhëtonte drejt Tiranës e që drejtohej nga një shtetas amerikan me banim në Serbi është përfshirë mëngjesin e së sotëm në orën 08:00 nga flaket teksa ishte duke udhëtuar brenda tunelit të Kalimashit.
Është dashur ndërhyrja e zjarrfikësve që flakët në makinë të shuhen. Ndërkohë që zjarri vijoi në mjet, tuneli u bllokua për disa minuta duke krijuar trafik dhe kaos te drejtuesit e mjeteve.
Fatmirësisht nga ky incident nuk është lënduar asnjë person, por ka vetëm dëme materiale. Policia ka mbërritur në vendngjarje dhe po punon për zbardhjen e plotë të ngjarjes.
g.kosovari
