Në vijim të operacionit të djeshëm në Sarandë ku u arrestuan shefi i Urbanistikës në bashkinë e qytetit, si dhe juristja e ASHK-së për tjetërsim pronash, këtë të enjte janë shpallur ne kërkim dy biznesmenët Behar dhe Bedri Mucobega, përkatësisht 40 dhe 51-vjeç.
I pari akuzohet për “falsifikim dokumentesh” dhe i dyti për “pastrim të produkteve të veprës penale ose veprimtarisë kriminale”. Policia vazhdon kërkimet për kapjen e këtyre shtetasve.
Ata akuzohet si përfitues te trojeve përmes dokumenteve të falsifikuara.
ARRESTIMET E OPERACIONIT TË DJESHËM
Abuzimet me pronat i kanë kushtuar prangat kreut të zyrës së Urbanistikës pranë Bashkisë Sarandë, Pandi Zhonga, si dhe të juristes pranë Agjencisë Shtetërore të Kadastrës atje, Rovena Alikaj. Në pranga me urdhër të Prokurorisë së Sarandës, në pranga ka rënë edhe noteri, Aleko Anagnosti. Ndërkohë, burime nga policia lokale sqaruan se janë ekzekutuar edhe urdhër-arrestet për shtetasit, Fredi Merkuri, Valter Llomi dhe Argonida Canaj të cilët janë përfitues te tokave përmes dokumenteve të falsifikuar.
g.kosovari
