Përfaqësuesi i Lartë i BE, Josep Borrell ka zhvilluar një video konferencë me Kryeministrin Edi Rama.
Borrel, përshëndeti angazhimin e Kryeministrit Rama për të çuar Shqipërinë përpara në rrugën e saj të pranimit në BE dhe përparimin vendimtar në përmbushjen e kushteve të vendosura nga konkluzionet e Këshillit.
Në bisedë u dha garancia se me Shqipërinë më afër se kurrë për fillimin e negociatave të pranimit në BE, ndonëse Holanda është shprehur sërish skeptike nga raporti i KE-së.
Përfaqësuesi i Lartë nënvizoi nevojën për të vazhduar kryerjen e reformave kryesore të identifikuara nga Këshilli. Borrell ka vlerësuar se kontributi i të gjitha forcave politike do të jetë i dobishëm në sjelljen e vendit në hapin tjetër.
Sa i përket politikës së jashtme, Përfaqësuesi i lartë i BE-së, Borrell vlerësoi harmonizimin e vazhdueshëm të Shqipërisë, me pozicionet e politikës së jashtme të BE.
“E mirëpres angazhimin e Shqipërisë për të ecur përpara në rrugën e pranimit në BE”, tha Borrell.
“Siç diskutuam me kryeministrin Rama, është thelbësore të ruhet dinamika e marrëdhënies BE-Ballkan Perëndimor. Me Shqipërinë që luan një rol të rëndësishëm”, – tha Josep Borrell Fontelles. /d.c
