Një ditë pasi u zgjodh president, Ilir Meta dha dorëheqjen nga çdo funksion në LSI, duke theksuar se (citim) “ndonëse do të merrte detyrën në datën 24 korrik, nuk ishte e moralshme për të”, tani që përfaqësonte unitetin e të gjithë popullit, që të fokusonte energjitë e tij në një forcë politike që përfaqëson vetëm një fraksion të preferencës popullore.
Pavarësisht këtij qëndrimi, duket se Ilir Meta nuk është tërhequr kurrë nga drejtimi i LSI-së dhe në kundërshtim të hapur me dispozitat e Kushtetutës dhe Kodit Zgjedhor, presidenti i zgjedhur është duke bërë hapur fushatë për LSI-në, një forcë që prej formimit ka marrë midis 5-10% të votave në të gjitha zgjedhjet që ka marrë pjesë. Ai, aktualisht, është duke përcaktuar aktivisht strategjinë dhe pozicionin që do të mbajë LSI si përpara, ashtu edhe pas zgjedhjeve të përgjithshme.
Por, cila është ngjashmëria që ka Ilir Meta me Noyzin?
Sot, Meta përfaqëson popullin shqiptar po aq sa Noyzi përfaqëson të gjithë muzikën shqiptare. Pa dyshim, Noyzi është këngëtari i preferuar i disa shqiptarëve dhe një ndër imazhet kryesore të një zhanri të caktuar muzikor, por të thuash që ai përfaqëson të gjithë muzikën shqiptare do të ishte po aq e vërtetë sa të thuash që Meta përfaqëson gjithë popullin shqiptar.
Të thuash që Meta përfaqëson unitetin e kombit shqiptar, është njësoj sikur të thuash që një klub futbolli si Skëndërbeu (apo kushdo tjetër në vend të tij) përfaqëson të gjithë futbollin shqiptar.
Të thuash që Meta na përfaqëson të gjithëve, sot është po aq e vërtetë sikur të thuash që Qarku i Gjirokastrës (apo kushdo tjetër) është vetë Shqipëria dhe asnjë qark tjetër s’ka rëndësi apo sikur të thuash që në këtë vend, bektashizmi do të bëhet fe zyrtare në kurriz të të gjithë feve të tjera…. E kështu, në vazhdojmë lista do të ishte vërtet shumë e gjatë…lexo.al
ma.me
