Një 44-vjeçar shqiptar, rezident në Valessina, Itali, është dënuar me 8 vite burg për dhunë seksuale ndaj vajzës së tij, raportojnë sot mediat italiane. Abuzimet kanë nisur që prej vitit 2001, kur vajza ishte vetëm 9-vjeçe. Një gjykatë në Ankona vendosi që shqiptari i detyrohet 20 mijë euro vajzës së tij, ndërsa pjesa tjetër e dëmshpërblimit do të përcaktohet nga gjykata civile, raporton “Corriere Adriatico”.
Kur arriti në moshë madhore vajza shkoi me studime jashtë vendit dhe vetëm pas pak vitesh denoncoi të atin. Ajo abuzohej nga i ati thuajse çdo mëngjes, kur nëna e vajzës dilte nga shtëpia, ndërsa i ati kryente akte seksuale me atë para se ta shoqëronte për në shkollë. Babai përdhunues, raportohet se ka kërcënuar vajzën se ai do lëndonte veten dhe nënën e saj (gruan e tij), nëse ajo i tregonte dikujt për këtë që ndodhte.
44-vjeçari që tashmë ndodhet në burg, është arrestuar në janar dhe aktualisht. Ai ka thënë se vajza e ka trilluar historinë për shkak se erdhi një pikë, që ai nuk ishte dakort që të paguante studimet e saj jashtë Italisë. Përmes avokates së tij, 44-vjeçari shqiptar ka apeluar vendimin. Gjykata e apelit pritet të vendosë për çështjen këtë javë.
ma.me
