Detaje të reja kanë dalë në pah nga ngjarje e rëndë e ndodhur në Greqi, ku 53-vjeçar i identifikuar si Ilias Michos dyshohet se ka përdhunuar për një 12-vjeçare.
Të akuzuarit për rastin kanë hedhur dyshime se nëna e të miturës kishte dijeni për atë se çfarë po i ndodhte të bijës.
Pretendimin u hodh nga Ilias Michos gjatë daljes së tij para gjykatës, ndërsa i pandehuri i dytë i çështjes, 42-vjeçari Yiannis Sofianidis , pasi ka dëshmuar se ka pasur kontakte seksuale me të miturën, ka pohuar në mënyrë sfiduese se 12-vjeçari e ka provokuar vetë e para dhe i ka bërë presion për të kryer marrëdhënie seksuale!
“Nga muaji maj deri në gusht kam qenë 4-5 herë me të miturën” tha i pandehuri.
53-vjeçari Ilias Michos, i cili tashmë ndodhet në burg, i ndaluar përkohësisht, pohoi: “Besoj se nëna e dinte se çfarë po ndodhte… Kur e kisha pyetur vogëlushen se çfarë po i thoshte nëna e saj kur e pa duke u kthyer ngadalë në shtëpi me 50 euro, ajo ishte përgjigjur: ‘I thashë se po kujdesesha për një gjyshe’. Më kishte thënë se para meje kishte shkuar me të tjerë dhe i kishin paguar 50 deri në 100 euro. Nga maji deri në gusht kam qenë 4-5 herë me të miturën. Ajo më dërgonte mesazhe dhe më thoshte t’i telefonoja mamit dhe t’i thosha: “dërgo vajzën tënde të më ndihmojë”, se po zihej me të. E dija moshën e saj, por ajo dukej më e madhe… ”.
Më tej, 53-vjeçari dyshohet se i kishte dhënë nënës së fëmijës 300 euro pasi siç tha ai kishte probleme financiare.
Nga ana e tij, 42-vjeçari, i akuzuari i Ilias Miços, i cili gjithashtu u la në masën e arrestit pas deklarimit në hetuesi, pretendoi: “ 12-vjeçarja më provokoi vete. Ne ishim gjetur pas autobusëve të KTEL-it të Kifisos. Nuk kam asnjë lidhje me të akuzuarin. Fëmija më bënte presion që të takohesha. Unë kam qenë me të disa herë… “.
Në të njëjtën kohë, nëna 37-vjeçare e të miturës , mësohet se ka në krah të gjithë fëmijët e saj, të cilët janë të shqetësuar për fatin e saj. Ajo e mohon akuzën ndaj saj dhe ka frikë, siç kanë deklaruar avokatët, se do t’i merren fëmijët.
/e.d
