Një ditë më parë, mediat italiane shkruanin se një shqiptar 22-vjeçar kishte përdhunuar një 17-vjeçare në një diskotekë të Riminit.
Denoncimi erdhi nga vetë vajza, ndërsa shoqet e saj, e kishin filmuar të gjithë skenën, e cila përfundoi “gabimisht” në Whatsapp te të gjithë miqtë e saj.
Mirëpo, ditën e sotme dëshmoi shoqja e vajzës që pretendon se është përdhunuar. Ajo tha para prokurorëve se nuk kishte dijeni se shoqja e saj po përdhunohej dhe se filmoi nga dera e tualetit pa ditur mirë se ç’po ndodhte.
Dëshmia e saj kontradiktore ka ngritur dyshime te Prokuroria e Riminit se ndoshta nuk kemi të bëjmë me përdhunim.
Kështu, pista kryesore është se të rinjtë po kryenin marrëdhënie me dëshirën e tyre dhe kur videoja iu dërgua gabimisht miqve të 17-vjeçares, kjo e fundit vendosi ta denonconte për përdhunim.
Megjithatë, edhe nëse është kështu, shqiptari nuk do t’ia hedhë lehtë, pasi mbi të mund të rëndojë akuza e marrëdhënieve seksuale me të mitur.
Panorama/d.i.
