Se çfarë ka ndodhur këto vitet e fundit që përdhoset populli kolektivisht nga politika. Ai ankohet se nuk ka punë, atij i thonë ik ore dembel, parazit, i pakualifikuar, me dipllomë fallco. Gjimnazistët ankohen për konkurrimin në universitete, i u thuhet “Ikni ore nuk kuptoni gjë, ju tërheqin për hundo ca zarbo!”
Rinia ikën në emigrim, i thonë : Ikni, mos pyesni për atdheun, shkoni atje ku u hedhin një copë bukë si qenit! Hashashi është bërë i hatashëm, populli që e mbjell quhet drogaxhi.
Popull shitës vote! E fyejnë që shet votën. Dikush ngre zërin për t’u ankuar, i thuhet : Me libër shpie! Hajdut elektriciteti, batakçi që nuk jep faturën e blerjeve, bën ujin e hollë dhe na prish këmbët e urës së Lanës. I paaftë të nxjerrë deputetë, se ja caktoni partia.
Ore, çfarë kanë me qytetarët që i bëjnë helaq! Zgërlaq! Tani populli shan edhe veten e vet sepse kanë arritur t’i fusin në shpirt vetëfajësimin, vetëzgërlaqjen.
