I pranishëm në Qytet Studenti, aty ku nisi Lëvizja Studentore, Presidenti Ilir Meta tha se 8 Dhjetori është dita për të vlerësuar Azem Hajdarin dhë të gjithë studentët. Sipas tij është koha që të rikthehet Shqipëria në shinat e vërteta të demokracisë.
“Është dita për të vlerësuar, në mënyrë të veçantë heroin e çmuar të Azem Hajdarit, por edhe të gjithë studentët e tjerë që dhanë jetën për lirinë dhe demokracinë, dhe njëkohësisht të gjitha ata që kurrë nuk i tradhëtuan idealet e dhjetorit, të pluralizmit, të demokracisë. Tani është kohë që ta rikthejmë Shqipërinë në shinat e vërteta të demokracisë, lirisë dhe të drejtave të njeriut”, tha Meta, teksa më parë vendosi lule te busti i Azem Hajdarit në Qytet Studenti.
I pyetur për përplasjen në PD mes ish-kryeministrit Sali Berisha dhe kreut të PD Lulzim Basha, presidenti Meta tha se e rëndësishme është liria, demokracia dhe pluralizmi. Me 2 gishtat lart Meta e mbylli fjalën duke thënë “liri-demokraci, jo më vonë por tani”.
“Nuk jam këtu për tu marrë me çështje të tilla e rëndësishme është liria demokracia dhe pluralizmi politik. Vota e lirë dhe gjithpërfshirja mbeten vendimtare në këtë proces. Në fund fare liri dhe demokraci jo më vonë po tani”, tha Meta.
g.kosovari
Demokracia me fytyren tende eshte demokraci e pst!