Posti i kreut të degës së PD-së në Velipojë ka sjellë akuza dhe përçarje brenda demokratëve, teksa zgjedhjet janë vetëm disa orë larg. Kreu aktual i degës Velipojë Ramiz Çobaj akuzohet nga demokratët se po mbështet kanditaturën e Nikoll Markut, i cili sipas tyre ka mbështetur në lokalet e 2015, kandidaten socialiste për bashkinë e Shkodrës, Keti Bazhdari.
“Ramiz Çobaj po mbështet Nikoll Markun duke futur përçarje në parti. Nikoll Marku në zgjedhjet lokale bëri fushatë për Keti Bazhdarin kundër kandidates Voltana Ademi”shprehen demokratët e Velipojës.
Zgjedhjet në degën e Velipojës për kryetar dege do të zhvillohen nesër duke filluar nga ora 11:00, ndërsa të pranishëm pritet që të jenë edhe deputetë të qarkut të Shkodrës.
Për kryetar dege të PD në Velipojë kandidojnë Nikoll Marku, Sandër Viluni dhe Altin Kaçi./java/a.k
