Avokatët e Emiljano Shullazit janë tërhequr sot nga thirrja e ish kryeministrit Sali Berisha si dëshmitar ne gjyq.
Ata gjithashtu u tërhoqën edhe nga thirrja e Ardian Cipës dhe Shyqyri Durakut.
Mbrojtja kërkoi ballafaqim mes Ylvi Beqës dhe dy avokatëve Alban Qafa dhe Nexhat Kambo për dëshminë e tyre se Ylviu u pati thënë që ishte kërcënuar nga Besim Hajdarmataj për të dëshmuar kundër Shullazit.
Emri i Berishës është në listën e dëshmitarëve të mbrojtjes, përballja mes tij dhe Shullazit nuk do të ndodhë.
Gjykata kishte pranuar më herët kërkesën për të marrë në pyetje Berishën. Por vendimi i fundit i Shullazit ka bërë që Berisha t’i shpëtojë përballjes në gjykatë.
Nuk dihet se cila është arsyeja që Shullazi u tërhoq nga kërkesa e tij për të thirrur Berishën si dëshmitar.
a.ç
