Mjeku infeksionist Arjan Harxhi i ftuar në emisionin ‘’Real Story’’ të Sokol Ballës në Neës 24 ka theksuar se personeli shëndetësor është më i rrezikuari për t’u prekur nga koronavirusi por është aset i paçmuar në këtë situatë.
Ai shprehu nevojën se do të ketë më shumë nevojë për mjekë dhe infermierë në këtë luftë si dhe u shpreh se personeli shëndetësor tani duhet të ndihet i qetë për të kryer detyrën.
”Fatkeqësissht siç kemi parë në Kinë apo Itali që personeli konsiderohet si grupi më me risk ndaj këtij infeksioni. Është aset i paçmuar duke pasur parasysh kontekstin shqiptar pasi dihen problematikat e emigrimit të trurit, dhe mjekët janë në këtë grup.
Nuk ka ndikuar drejtpërdrejt tek indikatorët e nr. banorësh për nr. mjekësh. Në kushtet ku flasim do të ketë nevojë për më shumë mjekë dhe inefrmierë që duhet për të qenë në ballë të luftës për të pasur sa më pak të prekur.
Duhen parë edhe ato protokollet për parandalimin e përhapjes, është e vështirë cili është risku.
Në këtë kutpim është e rëndësishme që të gjithë ne akjtorët të jenë shumë të kujdesshëm në drejtim të këtij aspekti pra mbrojtjes së personelit shëndetësor.
Pezullimi i mjekut Ilir Allkja?
Nuk e di që ky mjek të jetë infeksionist. Nuk e di nuk mund të komentoj. E di si rast. E di që nuk është mjek infeksionist. Mjekët duhet të ndjehen qetë në punën e tyre. Drejtohemi nga një kod. Duhet një raport mes këtij kodi dhe detyrimeve ndaj tij apo dhe detyrimeve ndaj shteti apo punëdhënësit. Më shumë se kaq s’mund të komentoj. Personeli shëndetësor është një nga asetet më të rëndësishme.”- tha Harxhi.
