Nga Edvin Kulluri
Të gjitha “kapacitet luftarake” opozitare shqiptare janë angazhuar në mbrojtje të “nacionalistit” Kurti në përplasje me SHBA dhe BE!
Kryetarë seksionesh, analistë Facebooku me 200 miq që kanë njohur në revolucionet imagjinare të opozitës, llumi sharës profesionist i Youtube, gazetarë që mezi kanë mbaruar shkollën 3 vjet për raportim dhe bëjnë analiza gjeopolitike në fushën e sigurisë, dhe mbi të gjitha servilët profesionistë të kryetarëve të PD kushdo qofshin, Basha apo Berisha! Kanë 6 vjet me pankartën “Rama Ik” në dorë, por që Rama nuk ikën!
Tani i tregojnë vendin SHBA dhe BE në mbështetje të “patriotit” të Kosovës ndërkohë nuk mundin dot PS në lagjen e vet se nuk bëjnë dot më shumë se 4 vota!
“Madhështia ushtarako-politike” e tyre është bërë e papërmbajtshme! Po tu qepën këta , “tigri prej letre” të gjejë vend e të futet!
Biles nga dyqani ku bejnë dhe hanë sufllaqe 16 orë në ditë bëjnë dhe ironi me humor lagjeje duke shkruar “Amelika”!
Gjysma e kanë marrë abetaren në vjeshtë ndërsa në letërsi mbajnë mend vetëm 2 rreshtat e para të Himnit Kombëtar!
Por, kanë një iphonë të blerë me këste që e kanë bërë “Amelikën” të flasë me vete! Dhe natyrisht sa herë “udhëheqësit” lëshojne piskama patriotike kundër Vuçiç, këta i ripostojnë në Facebook ose i përdorin si komente të gatshme!
Dhe në fund të pyesin pasi ke gjithë jetën që merresh me filizofi politike, marrëdhënie ndërkombëtare dhe politikë sigurie: “ vërtet mendon se Amelika do mundë Legjendën dhe Kurtin”?!
Ore cuna e goca, shikoni hallet tuaja të vogla, por shumë të rëndësishme si p.sh të paguani ujin, drita, qiranë etj.. Se po tha Doktori që Kurti është tradhëtar dhe Amerika e BE janë partnerët që Kurti duhet tu bindet, do fshini postimet me mallkime dhe “analiza” me 7 fjalë dhe do mallkoni Kurtin!
Ndërsa për gazetarët me Bachelor kam vetëm 1 këshillë: raportoni lajmet copy-paste dhe mos e lodhni trurin për çështjet e Kosovës se treçerekun e pronarëve i keni analfabetë funksionalë që ose u japin zarfa nën dorë për t’u paguar rrogat ose presin ndonjë kacidhe nga qeveria për të shlyer kreditë që janë bërë mal!
