Gjermania po ndërmerr masa të reja për të parandaluar incidentet me kalimtarët që ecin duke përdorur smartphone.
Disa drita të kuqe janë vendosur në Augusta të Bavarisë, të cilat aktivizohen në të njëjtën kohë me semaforin dhe paralajmërojnë qytetarin për mbërritjen e tramit.
Vdekja e 15-vjeçares në Mynih pas përplasjes me tramin ka vënë në lëvizje autoritetet lokale.
Masa eksperimentale ka tërhequr vëmendjen e shumë studentëve që frekuentojnë zonën në fjalë. “Kishim vënë re që shumica e kalimtarëve nuk e vinin re semaforin ndërkohë që përdornin telefonin në rrugë”, shpjegon Tobias Harms, këshilltar komunal i projektit.
