Mbrojtësi i Bayern Munichut, Joshua Kimmich ka pranuar se duhet të jetë në shumë formë për ta ndalur lojtarin më të kompletuar në botë, Cristiano Ronaldon e Real Madridit.Pesë herë fituesi i Topit të Artë është në Munich për përballjen me Bayernin në kuadër të gjysmëfinaleve të Ligës së Kampionëve dhe deri më tani ka realizuar 15 gola në 10 ndeshje.
Ronaldo ka realizuar në 12 takimet e fundit, duke realizuar 22 gola dhe Kimmich beson se portugezi e kalon Lionel Messin e Barcelonës sa i përket aftësive.
“Kur vjen puna tek golat, Ronaldo prin”, ka thënë 22-vjeçari për gazetën gjermane “Bild”. “Sidomos për golat në Ligën e Kampionëve. Messi është lojtar krejt tjetër. Ronaldo është më i kompletuar”.
“Messi driblon më shumë, Ronaldo është lojtar për fund. Nuk mund të them se cili është më i mirë. Jam krenar që i përjetoj të dy. Një lojtar si Ronaldo mund ta ndalni si ekip. Ai është makineri golash. Duhet të sigurohemi që të mos vazhdojë këtë seri”, përgatiti Express. (b.an)
