Shpërthen vullkani më aktiv në botë.
Rrjedha e llavës është kryesisht e kufizuar brenda kulmit të saj, por banorët janë vënë në gatishmëri dhe janë paralajmëruar më herët për rrezikun e tij. Shërbimi Gjeologjik i SHBA ka bërë të ditur se situata mund të ndryshojë me shpejtësi gjatë orëve në vijim.
Niveli i alarmit të vullkanit është ulur ndërsa asnjë urdhër evakuimi nuk është lëshuar ende dhe zonat e populluara nuk ka gjasa të preken në këtë fazë, thonë zyrtarët e emergjencës. Mauna Loa, e vendosur brenda Parkut Kombëtar të Vullkaneve të Hawait, mbulon gjysmën e ishullit të madh të shtetit amerikan. Vullkani ngrihet 4,169m mbi nivelin e detit dhe përfshin një sipërfaqe prej 5,179 km katrore.
Shpërthimi i këtij vullkani, sipas ekspertëve erdhi pas një seri tërmetesh që lëkundën rajonin ditët e fundit. Mauna Loa ka shpërthyer 33 herë që nga viti 1843. Shpërthimi i mëparshëm në 1984 dërgoi rrjedha lavash brenda qytetit më të populluar të ishullit Hilo.
Popullsia e Ishullit të Madh është më shumë se dyfishuar që nga viti 1980 në rreth 200,000 banorë dhe agjencia e mbrojtjes civile e Hawait ka paralajmëruar banorët se mund të përballen me një katastrofë.
/a.r
