Kryetari i PBDNJ Vangjel Dule, i ka dalë në krah ish-kryeministrit Sali Berisha lidhur me marrëveshjen e Detit me Greqinë.
Duke komentuar marrëveshjen e vitit 2009, ai ka thënë se nënshkrimi i saj ishte mjaft i drejtë ndërsa Rama po i rikthen marrëdhëniet pas.
Ndërkohë, Dule nuk e përfill vendimin e Gjykatës Kushtetuese për marrëveshjen e 2009, duke argumentuar se e drejta ndërkombëtare prevalon mbi të drejtën e vendit.
“Në këto 5 vitet e fundit janë bërë hapa pas në marrëdhëniet me fqinjët tanë, të cilët kanë kosto jo të vogël. Marrëdhëniet midis dy vendeve nuk mund të mbahen peng për një kohë të gjatë, sepse ato janë solide dhe të shtrira në histori dhe të tashmen. Rama nuk mund të mbajë peng vendin në marrëdhëniet me Greqinë, vendi që është strumbullari i politikave euroatlantike të Evropës Juglindore” shprehet Dule./a.m.
