Drejtuesit e aeroportit të Rinasit kanë bërë një gafë të rëndë teksa e kanë konsideruar kryeqytetin e Kosovës, Prishtinën si pjesë të Jugosllavisë.
Në faqen zyrtare të aeroportit, shfaqen destinacionet e fluturimeve dhe krah Prishtinës, në kllapa janë inicialet (Yu) shkurtim për Jugosllavi.
Në foton më poshtë mund të shihni përkrah Prishtinës inicialet (Yu)
Pas publikimit të skandalit, disa orë destinacioni Prishtina u hoq nga faqja për korrigjim.
Por, nuk munguan reagimet për këtë gafë të drejtuesve të aeroportit “Nënë Tereza”. Deputeti i Partisë Socialiste e ka cilësuar këtë veprim një turp të rëndë.
“Turp! Turp! Turp!
Nuk e kam zakon qe te postoj dy statuse ne nje dite, por sot me detyroi reagimin nje veprim i turpshem i aeroportit te Rinasit qe ne dokumentet e tij te udhetimit e konsideron Prishtinen akoma si pjese te Jugosllavise!!!
Cilado qofte aresyeja, injoranca, kodoshlleku burokratik apo interesa te ndyra tregtare(!!!) ky eshte nje absurditet i turpshem, treqint here i turpshem!”, shkruante Dokle në Facebook.
