Policia maqedonase njoftoi se në 24 orët e kaluara u janë dhënë vërtetime për kërkues të azilit 616 shtetasve të huaj, nga të cilët 249 meshkuj dhe 146 femra, si dhe 221 fëmijë që shoqërojnë bartësin e vërtetimit. Sipas shtetësisë, vërtetime kanë marrë 393 shtetas të Sirisë dhe 223 shtetas të Irakut, ndërsa me dokumentin nuk është pajisur asnjë shtetas i Afganistanit. Nga një janari deri në fillimjavë MPB-ja ka dhënë gjithsej 86.462 vërtetime shtetasve të huaj, nga të cilët 34.328 janë të gjinisë mashkullore, 18.842 të gjinisë femërore dhe 33.084 fëmijë të cilët shoqërojnë bartësin e vërtetimit, si dhe 208 fëmijëve të tjerë që udhëtojnë pa prindër.
