Standartet e jetesës së yjeve të Hollivudit janë të larta, dihet. Por ndoshta Johnny Deep ka shkuar pak si shumë larg me shpenzimet. Ylli i kinematografisë botërore mësohet se ka shpenzuar për 20 vjet 2 milionë dollarë në muaj.
Llogaritë i ka bërë “The Management Group”, shoqëri që për 17 vjet është kujdesur për pasurinë e tij dhe që kohët e fundit është denoncuar nga Deep për keqadministrim të pasurisë.
Sipas dokumentit të “The Management Group”, i publikuar nga shtypi amerikan, Deep ka shpenzuar 75 milionë dollarë për të përvetësuar 14 shtëpi, mes të cilave edhe një kështjellë në Francë.
Ai i ka dhuruar vetes më pas një jaht prej 18 milionë dollarësh dhe 45 makina luksoze. Në listën e shpenzimeve të çmendura të aktorit janë edhe 700 mijë dollarë për disa shishe verë antike, 70 kitara të rralla dhe piktura të Andy Warhol dhe Klimt.
Pa harruar 40 persona të stafit të tij, që janë paguar pikërisht nga “Pirati i Karaibeve”./shqip/a.k
