Fiks Fare në prag të festave të fundvitit vizitoi një familje pensionistësh për të parë nga afër se si ata ia dalin të festojnë natën e ndërrimit të viteve me pensionet që kanë.
Këtë vit, qeveria ka shpërndarë një bonus prej 5 mijë lekësh të reja për çdo pensionist, por a u dalin të ardhurat të festojnë siç duhet?
Gazetarët e Fiksit trokitën në derën e çiftit Kostalli nga Tirana. Të ardhurat që marrin çifti Kostalli janë 28 mijë lekë të reja në muaj. Burrë e grua të ulur, në prani të kamerës së Fiksit, të dy bëjnë llogaritë dhe listën e produkteve që ju duhet për festat. Sipas zonjës së shtëpisë, gjeli për Vitin e Ri dhe mishi i qengjit për Krishtlindje janë shumë të domosdoshëm. Pastaj vijnë fruta-perimet dhe pijet.
Përbërësit e bakllavasë edhe mbi të gjitha 12 kokrra rrush që sipas saj sjell mbarësi. Me llogaritë e bëra dhe me shumë mungesa lista shkon diku tek 15 mijë lekë të reja. I zoti i shtëpisë tregon se drita, ujë, telefon dhe gaz kushtojnë rreth 7 mijë.
Për të blerë listën që të dy të moshuarit kishin bërë i shoqëroi edhe gazetarja e Fiksit. Të gjitha produktet në total shkuan rreth 18 mijë lekë të reja. Pra çiftit Kostallari për të shtyrë muajin i mbetën vetëm 3 mijë nga pensioni plus dhe bonusi i qeverisë. Ata shprehen një zëri që ndihma e vetme për të shtyrë muajin është ajo që u japin fëmijët. Nëse nuk do të ishin fëmijët për t’i ndihmuar ata do të blinin një pulë 500 lekëshe, pak sallatë dhe patate e kështu do ta kalonin Vitin e Ri.Këtë vit produktet për tryezën e Vitit të Ri ju bënë dhuratë nga Fiks Fare. Vitin tjetër…(Tch)
