Pengmarrja dhe vrasja e Jan Prengës më 17 janar 2020 e ka zanafillën e konfliktit në Angli.
Në dosjen e Prokurorisë thuhet se gjithçka nisi prej Astrit Prengës, njëri prej 5 vëllezërve të familjes që jeton në atë shtet. Ai kontaktohej nga një shtetas anglez, për nxjerrjen e sasive të kokainë që vinin nga Ekuadori në drejtim të portit të Porsmuthit në Angli.
Sipas përgjimeve të prokurorisë, anglezi ka përdorur disa herë Astrit Prengën për të nxjerrë lëndën narkotike nga porti, por në një rast anglezi nuk ka qenë i rregullt me pagesën.
Hera e fundit ka qenë në dhjetor të vitit 2019, kur anglezi i kërkoi Astritit që të nxirrte sasinë prej 283 lëndë narkotike të ardhur nga Ekuadori. E gjitha puna bëhej në këmbim të parave, të cilën Astrit Prenga e kreu së bashku me një shqiptar të identifikuar si Xhulian dhe një rumun.
Këtë herë, Prenga i vuri kusht anglezit që të paguante për vlerën e punës që kishte kryer këtë herë, por edhe vlerën e prapambetur, në të kundërt nuk do bënte dorëzimin e drogës, raporton Shqiptarja.
Në pamundësi për t’iu përgjigjur financiarisht Astrit Prengës, shtetasi anglez, identiteti i të cilit nuk dihet besohet se ka telefonuar në Ekuador dërguesin e kokainës, Dritan Rexhepin.
Ky është informuar mbi personin që kishte nxjerrë drogën nga porti dhe vijonte ta mbante peng, me qëllim ngritjen e nivelit të pagesës. Rexhepi kontaktoi Astrit Prengës duke i kërkuar që ti lironte mallin pasi ishte ngarkesë e tij dhe nuk duhet ta prekte.
Por ai nuk u bind duke i theksuar se nuk do e bënte derisa të merrte shpagimin nga anglezi.
Nga përgjimet u zbulua se Rexhepi këmbëngulte që malli ishte i tij dhe disa shokëve nga Shkodra, prandaj duhet të mos e çonte dëm. Por Astrit Prenga u tregua i prerë duke i thënë se problemi i tij qëndron tek anglezi, jo tek shqiptarët.
Si pasojë, Prokuroria dyshon se Dritan Rexhepi (një prej të dyshuarve kryesorë për rrëmbimin) dhe Gentian Doçi u dakordësuan me Altin Hajrin në Shijak, për të krijuar kushtet dhe marë peng njërin nga vëllezërit Prenga në Shijak, dhe pikërisht është zgjedhur Jan apo Stilian Prenga, vëllai i madh i familjes Prenga.
Viktima Jan Prenga, nuk ishte përfshirë në asnjë histori kriminale më parë.
Në Tiranë, anëtarët e grupit vodhën një mjet tip“Range-Rover”, në pronësi të një këngëtare tallavaje. Pas pak kohësh, pikërisht në datën 17 janar 2020 rrëmbyen me dhunë dhe përdorën thika për Jan Prengën.
Qëllimi i tyre është të binin dakord me Astritin për drogën por situata doli jashtë kontrolli dhe e vranë Janin.
Astrit Prenga dhe vëllai tjetër Admir Prenga, dyshohet se ka biseduar me Dritan Rexhepin dhe Gentian Doçin, duke i kërkuar llogari se ku i kishin çuar vëllanë, por besohet se ata i kanë pohuar se e dinin vendin se ku ndodhej por ata njerëzit në Shqipëri, i kishin dalë nga fjala.
Kjo dosje me përgjime Prokurorisë Kundër Korrupsionit dhe Krimit të Organizuar për hetime të mëtejshme. Deri tani janë shpallur në kërkim 10 persona, ndërsa 5 të tjerë janë arrestuar dhe janë lënë në burg sot nga gjykata e Tiranës.
