Mosha e tij sillet rreth të 30-ave, ndërsa 15 vjet pas luftës në Kosovë, ai ka përjetuar edhe një tjetër luftë.
Thotë se shkoi në luftën e madhe që po zhvillohet në Lindjen e Mesme i ndikuar tërësisht nga propaganda që shpërndahet nëpërmjet internetit.
U nis që të mbrojë civilët, gratë dhe fëmijët, imazhet e të cilëve i shihte çdo ditë nëpër faqe të ndryshme, raporton KTV.
Nuk pranon të japë asnjë detaj rreth organizimit të udhëtimit të tij nga Kosova dhe nuk pranon të tregojë nëse para se të nisej kishte dëgjuar ligjërata nga persona të caktuar në ambiente të caktuar.
Po ashtu nuk tregon shumë rreth organizimit të grupeve që pa atje, ngase thotë se nuk ishte në zonë ku luftohej.
Por me të arritur në Siri e kishte vërejtur se diçka nuk është në rregull dhe nuk e gjeti kauzën për të cilën u nis.
E pa që atje po zhvillohej një luftë tjetër, ajo mes grupeve të ndryshme që zakonisht synojnë shtimin e kontrollit në zona.
Një person, i cili ka marrë pjesë në luftë në Siri kundër forcave të armatosura të presidentit Asad, ka pranuar të flasë për KohaVisionin rreth përvojës së tij. Është kjo një intervistë ekskluzive, për shkak se për herë të parë flet personalisht një kosovar i kthyer nga lufta. Ndjekim një pjesë të rrëfimit të tij në vazhdim.
Gjatë tërë kohës së bisedës sonë me të insiston se ishte viktimë e propagandës virtuale dhe se është penduar menjëherë.
Ai e di se është vonë për pendim dhe mund të përballet me dënim të ashpër për veprën e bërë, por e mundon edhe një tjetër fakt.
Po t’i jepej mundësia të shkojë sërish, a do ta bënte prapë një gjë të tillë?
Ai ka një ëndërr që kanë edhe shumë të rinj të tjerë në Kosovë. Kërkon atë që në një shtet të zhvilluar normalisht është e drejtë legjitime, e që ky person nuk e ka pasur kurrë.
Mbi të gjitha një nga faktorët që vazhdon ta mbajë të dëshpëruar vazhdimisht, është gjendja e rëndë sociale në të cilën jeton, e ka pak shpresë të dalë nga andej.
