Juventusi duket se e ka konfirmuar se po planifikon të tërhiqet nga projekti i Super Ligës Evropiane. Gjiganti italian zbuloi sot se i ka shkruar Barcelonës dhe Real Madridit, dy palët e mbetura në këtë projekt, për të informuar dyshen spanjolle për planin e klubit për t’u tërhequr nga projekti.
Në një deklaratë të klubit thuhej:
“Në lidhje me thashethemet që u shfaqën në shtypin e sotëm, Juventus informon se ka transmetuar një mesazh për dy klubet e mbetura që si Juventusi, nuk e kanë ushtruar tërheqjen e tyre nga Projekti i Superligës për të nisur një periudhë diskutimi midis tre klubeve në lidhje me daljen e mundshme të Juventusit nga Projekti i Superligës”.
Plani për të ngritur një Super Ligë Evropiane u njoftua për herë të parë më 18 prill të vitit 2021. Dymbëdhjetë nga klubet kryesore evropiane nga Anglia, Spanja dhe Italia thanë se po nisnin garën e tyre për të rivalizuar Ligën e Kampionëve të UEFA-s.
Super Liga Evropiane fillimisht përbëhej nga Manchester United, Manchester City, Chelsea, Arsenal, Tottenham Hotspur, Liverpool, AC Milan, Inter Milan dhe Atletico Madrid si dhe Juventus, Barcelona dhe Real Madrid.
Megjithatë, nëntë klubet e para të listuara u tërhoqën shpejt pasi morën një reagim të fortë nga tifozët, ndërsa Barcelona, Real Madrid dhe Juventus qëndruan të patundur.
Juventusi, i cili përfundoi i shtati në sezonin 2022/23, pasi iu hoqën 10 pikë për shkak të marrëveshjeve të kaluara të transferimeve, tani duket se ka këmbë të ftohta që do të linin vetëm Barcelonën dhe Real Madridin për të luftuar kauzën për krijimin e Super Ligës Evropiane.
