Zëvendëskryeministri Niko Peleshi e ka nisur nga Korça prezantimin e programit kombëtar “Qyteti i fëmijëve”. Në fjalën e tij, Peleshi tha se “është në interes të gjithë shoqërisë shqiptare që të hiqen barrierat e një fëmijërie të vështirë”. “Duhet të fokusohemi te interesat e fëmijëve”, tha ai.
“Të bëhemi anëtar i denjë i Bashkimit Europian. Të dëgjojmë kërkesat e familjeve, dhe të sjellin ide e programe çdo ditë. Të mos anashkalojmë interesat e fëmijëve. Të shkëmbejmë art e kulturë me vendet e BE-së. Fëmijët nuk kanë nevojë vetëm për programe mësimore, por edhe për aktivitete që i nxisin të zbulojnë talentet e tyre”, tha zëvendëskryeministri në Korçë.
Për këtë projekt po punohet tashmë edhe në Berat, dhe do të vijojë ky program edhe në qytete të tjera të vendit.
