Sipas zëvendëskryeministrit Niko Peleshi, një nga gabimet më të rënda të bëra në Shqipëri përgjatë këtyre viteve është bazimi i rritjes ekonomike te borxhi. Në fjalën e tij në konferencën e prezantimit të objektivave të zhvillimit në Shqipëri, Peleshi theksoi se shkak për këtë situatë të oaqëndrushme dhe të papërgjegjshme ka të bëjë pikërisht bazimi i rritjes ekonomike tek borxhi dhe jo zbulimi i hapësirave të reja.
“Të bazosh rritjen ekonomike te borxhi, duke injoruar hapësirat e tjera dhe potencialin që ekonomia ka duke luftuar informalitetin, do të thotë të zhvillohesh në mënyrë të paqëndureshme e të papërgjegjshme. Do të thotë të shesësh një mirëqënie të gënjeshtërt dhe ta transferosh problemin tek brezat që do të vijnë”, tha Peleshi.
Duke pranuar gabimet e të shkuarës Peleshi tha se nuk është planifikuar një zhvillim i qëndrueshëm, duke bazuar rritjen ekonomike dhe përpjekje për të ndërtuar mirëqënien në injorimin e interesave të brezave që pasojnë.
“Kemi bërë gabim në mosplanifikimin e një zhvillimi të qëndrueshëm, duke bazuar rritjen ekonomike dhe përpjekjet për të ndërtuar mirëqënie në injorimin e interesave dhe brezave që pasojnë. Kemi shfrytëzuar në mënyrë të papërgjegjshme burimet, ajo që na bashkon të gjithëve në këtë axheëndë për një zhvillim të qëndrueshëm është një fakt: burimet janë të kufizuara. Duke qënë se janë të kufizuara natyrisht që na duhet t’i planifikojmë mirë ato. Shqiëpria nuk e ka bërë kët në të gjitha rastet. Ne kemi keqtrajtuar territorin, mënyra se si jemi sjellë me territorin, si kemi ndërtuar kuturu, pa plan, pa kriter, me leje apo pa leje, sot kemi rreth 400 mijë ndërtime informale në Shqipëri që do të thotë që përgjegjshmëria jonë, ka qënë shumë e uëlt”, tha Peleshi.
