Nuk ka asnjë fitues në një luftë tregtare, por nëse Shtetet e Bashkuara të Amerikës shkojnë në rrugën e gabuar, ne do ta ndjekim atë deri në fund, deklaroi sot ministri kinez i Tregtisë, Wang Wentao.
“Nëse ata duan të marrin rrugën e duhur dhe të zgjidhin problemet, atëherë duhet të takojnë homologët tanë në kohën e duhur”, Wang.
“Problemet duhet të zgjidhen përmes dialogut dhe konsultimit të bazuar në barazi”, theksoi Wang në një konferencë për media, në kuadër të Kongresit Kombëtar të Popullit.
Kina po studion dhe formulon kundërmasat përkatëse në përgjigje të kërcënimit të SHBA për të vendosur një tarifë shtesë prej 10% për mallrat kineze, nën pretekstin e fentanilit, në fuqi që nga 4 marsi.
”Global Times”, një tabloid i ”People’s Daily”, shkroi se “nëse SHBA këmbëngul në vendosjen e tarifave të njëanshme dhe zyrtarisht shpallë masa të mëdha, Kina patjetër do të marrë masa të forta kundër masave të forta”.
Në një postim në mediet sociale të enjten, presidenti i SHBA Donald Trump tha se Shtetet e Bashkuara do të vendosin tarifa 25% ndaj Kanadasë dhe Meksikës duke filluar nga 4 marsi dhe se “Kina do të ngarkohet me një tarifë shtesë prej 10% në po këtë datë”.
