Një vajzë vetëm 13 vjeçe u përdhunua dhe vra në veri të Francës, nga një burrë për të cilin u zbulua se ishte dënuar më parë për abuzim me të miturit.
Madje pas kthimit në liri, ai ishte sistemuar dhe kishte krijuar një familje.
Vogëlushja franceze Angelique, ishte zhdukur nga shtëpia e saj në Wambrechies, pranë Lille. I dyshuari, David R., 45 vjeç, rrëfeu menjëherë krimin horror.
Ai u arrestua pak orë pas gjetjes së kufomës së viktimës, mbrëmjen e të shtunës që lamë pas, e hedhur në një pyll.
Prej vogëlushes ishin humbur gjurmët pranë shtëpisë ku jetonte me familjen. Vrasësi u zbulua në sajë të arkivit të ADN-së të të dyshuarve për krime seksuale, arkiv i krijuar në vitin 2004.
Menjëherë pas identifikimit nga policia ai nuk bëri rezistencë, por mori përsipër përgjegjësitë. Ai u justifikua duke thënë se “ishte keq”, për shkak se familja e tij ishte larg prej tij, për disa ditë pushimesh, shkruan noa.al.
Kështu ai kishte kaluar orë të tëra duke konsumuar viagra dhe birrë. Më pas ai kishte takuar të miturën, të cilën e kishte çuar në shtëpinë e tij ku e kishte përdhunuar dhe më tej vrarë./a.m.
