Pas peticionit të studentëve të Fakultetit të Shkencave Sociale për pedagogun Zenel Shalari, ditën e sotme është Dekani i këtij fakulteti ka marrë vendimin për shkarkimin e tij nga puna.
Studentët kishin ngritur akuza ndaj tij, se i detyronte për të blerë libra si dhe për ryshfet.
“Studentët e Fakultetit të Shkencave Sociale, në kuadër të aksionit të Lëvizjes për Universitetin kundër korrupsionit dhe tregtisë së detyrueshme të librave, kanë realizuar një peticion me dhjetra nënshkrime, duke çuar ne shkarkimin e pedagogut Zenel Shalari.
Aksioni kundër zhvatjes së organizuar të xhepave të studenteve do të vazhdojë, si ndaj zhvatjes me tarifa dhe toefla të qeverisë, po ashtu edhe ndaj korrupsionit brenda klasave shkollore.
U bëjmë thirrje të gjithë studentëve të universitetit publik të bashkohen kundër zhvatjes dhe padrejtësisë, me peticione dhe protesta. Vetëm asgjë nuk është e mundur dhe bashkë asgjë e pamundur!”, shkruhet në njoftimin e Lëvizja studentore.
Zenel Shalai ka qenë pedagog i jashtëm në Fakultetin e Shkencave Sociale, dhe ka dhënë dy lëndë “Teori Ekonomie” dhe Hyrje ne Ekonomi”, thuuhet në reagimin e Lëvizjes për Universitetin.
