Kryeministri Edi Rama ka sjellë në Kuvend rastin e një pedagogu që sipas tij u kërkon studentëve që të mos ulen në dialog për plotësimin e kërkesave të tyre.
Sipas Ramës, pedagogu që ka fituar titullin e doktoraturës me punimin “Efiçenca e kalit në ekonomi” është një fantazmë e të shkuarës.
Rama përshkruan pedagogun si një ish-enverist rrezuar nga studentët në vitin 90 dhe lutet që “Zoti i ruajt studentët tanë nga të tilla fantazma që u tregojnë se ç’duhet të bëjnë me jetën e tyre”
“Kur kam parë dje një video nga diskutimi në Fakultetin Ekonomik që studentët kërkonin të binin dakord për të hapur dialogun dhe studentëve ju fliste një fantazëm e Partisë së Punës, e pjesës më vulgare të Partisë së Punës, një Doktor Shkencash që Doktoraturën e ka bërë me temë “efiçenca e kalit në ekonomi”.
Nuk kam asgjë personale, unë e dija tanimë në botën tjetër, saqë aq shumë u habita. Një personazh që përfaqëson shumëçka, fytyra e mediokritetit dhe gjithë hipokrizës së farsës së atij regjimit, ju flet studentëve me megafon dhe ju thotë pse nuk duhet të dialogoni me Kryeministrin e vendit”, u shpreh Kryeministri.
Javanews/a.çupaj
